Home » Malayalam News » ടോക്യോ ഒളിമ്പിക്സ്: വനിതാ ഫുട്ബോളിൽ യുഎസിനെ അട്ടിമറിച്ച് സ്വീഡൻ, ചൈനയെ തകർത്ത് ബ്രസീൽ

ടോക്യോ ഒളിമ്പിക്സ്: വനിതാ ഫുട്ബോളിൽ യുഎസിനെ അട്ടിമറിച്ച് സ്വീഡൻ, ചൈനയെ തകർത്ത് ബ്രസീൽ

ഹൈലൈറ്റ്:

  • ഒളിമ്പിക്സ് വനിതാ ഫുട്ബോളിന് തുടക്കം
  • ബ്രസീലിനും സ്വീഡനും വിജയം
  • മുൻ ചാമ്പ്യൻമാരായ യുഎസിന് തോൽവി

ടോക്യോ: ഒളിമ്പിക്സ് വനിതാ ഫുട്ബോളിന് അട്ടിമറിയോടെ തുടക്കം. നാല് തവണ ചാമ്പ്യൻമാരായ യുഎസിനെ എതിരില്ലാത്ത മൂന്ന് ഗോളിന് സ്വീഡൻ പരാജയപ്പെടുത്തി. അഞ്ചാം റാങ്കുകാരായ സ്വീഡൻ മത്സരത്തിൻെറ തുടക്കം മുതൽ യുഎസിനെ സമ്മർദ്ദത്തിലാക്കിയിരുന്നു. 2019 മുതൽ പരാജയമറിയാതെ മുന്നേറ്റം തുടരുകയായിരുന്നു യുഎസ്.

ഇരട്ടഗോളുകൾ നേടിയ ബ്ലാക്ക‍്‍സ്റ്റീനിയസാണ് മത്സരത്തിൽ സ്വീഡൻെറ വിജയശിൽപിയായത്. വെറ്ററൻ മിഡ്ഫീൽഡ‍ർ ലിന ഹ‍ർട്ടിഗാണ് മറ്റൊരു ഗോൾ സ്കോറ‍ർ. 2016ലെ ക്വാ‍ർട്ടർ ഫൈനലിലും സ്വീഡനോട് തോറ്റാണ് യുഎസ് പുറത്തായിരുന്നത്. അടുത്ത മത്സരത്തിൽ യുഎസ് ന്യൂസിലൻറിനെയും സ്വീഡൻ ഓസ്ട്രേലിയയെയും നേരിടും.

Also Read: തോൽക്കാൻ മനസ്സില്ലാത്ത വാലറ്റം, ദ്രാവിഡിൻെറ ആ തീരുമാനം വിജയിച്ചു; ദീപക് ചാഹർ റിയൽ ഹീറോ!!

മറ്റൊരു മത്സരത്തിൽ ലോക ഫുട്ബോളിലെ കരുത്തരായ ബ്രസീൽ ചൈനയെ എതിരില്ലാത്ത അഞ്ച് ഗോളുകൾക്ക് തക‍ർത്തു. ടീം ക്യാപ്റ്റന്‍ മാര്‍ത്ത സില്‍വ ബ്രസീലിന് വേണ്ടി ഇരട്ടഗോളുകൾ നേടി. ബ്രസീൽ വനിതാ ഫുട്ബോളിലെ എക്കാലത്തെയും ടോപ് ഗോൾ സ്കോററാണ് സിൽവ. ഡെബിഞ്ഞ, ആന്ദ്രേസ ആല്‍വസ്, ബീട്രിസ് എന്നിവരാണ് മറ്റ് ഗോള്‍ സ്കോറേഴ്സ്.

ആദ്യ മത്സരത്തിൽ ആതിഥേയരായ ജപ്പാന് വിജയം ; ഒളിമ്പിക്സിന് അനൗദ്യോഗിക ആരംഭം


Source link

x

Check Also

വിരാട് കോലിയോ രോഹിത് ശര്‍മയോ ടി20യിലെ മികച്ച ബാറ്റ്‌സ്മാന്‍? ഇതാ ഈ കണക്കുകള്‍ പറയും!

ഹൈലൈറ്റ്: ടി20 ക്രിക്കറ്റില്‍ രോഹിത്തിനേക്കാള്‍ കേമന്‍ വിരാട് കോലി സെഞ്ച്വറിയുടെ കാര്യത്തില്‍ രോഹിത് ശര്‍മ കോലിയേക്കാള്‍ മുന്നില്‍ അര്‍ധശതകവും റണ്‍സും ...