Home » Malayalam News » ഇന്നു മുതൽ കർഷകരുടെ പാർലമെൻ്റ് ധ‍ര്‍ണ; തലസ്ഥാനത്ത് അതീവ ജാഗ്രത

ഇന്നു മുതൽ കർഷകരുടെ പാർലമെൻ്റ് ധ‍ര്‍ണ; തലസ്ഥാനത്ത് അതീവ ജാഗ്രത

ഹൈലൈറ്റ്:

  • ഓഗസ്റ്റ് 13 വരെ ധര്‍ണ
  • കര്‍ഷകര്‍ ജന്ദര്‍ മന്ദറിലെത്തും
  • ഡൽഹിയിൽ കനത്ത സുരക്ഷ

ന്യൂഡൽഹി: കേന്ദ്രസര്‍ക്കാരിൻ്റെ വിവാദമായ കാര്‍ഷിക നിയമങ്ങള്‍ക്കെതിരെ പ്രതിഷേധിക്കുന്ന കര്‍ഷക സംഘടനകള്‍ ഇന്നു മുതൽ പാര്‍ലമെൻ്റ് ധര്‍ണ ആരംഭിക്കും. അടുത്ത മാസം 13 വരെയാണ് ജന്തര്‍ മന്ദറിലെ പ്രതിഷേധം. നിലവിൽ കര്‍ഷകര്‍ തമ്പടിച്ചിരിക്കുന്ന സിംഘു, ടിക്രി, ഘാസിപൂര്‍ എന്നിവിടങ്ങളിൽ നിന്ന് പ്രത്യേക വാഹനങ്ങളിലാണ് കര്‍ഷകരെ എത്തിക്കുക.

പോലീസ് അകമ്പടിയോടെയായിരിക്കും കര്‍ഷകരെ ഡൽഹി നഗരത്തിൽ പ്രവേശിപ്പിക്കുക. ധര്‍ണയ്ക്കായി ഡൽഹി പോലീസ് കര്‍ശന ഉപാധികളും വെച്ചിട്ടുണ്ട്. ഓരോ ദിവസവും ധര്‍ണയിൽ 206 കര്‍ഷകര്‍ വീതമാണ് പങ്കെടുക്കുക. കൈയ്യിൽ തിരിച്ചറിയൽ രേഖ ഉണ്ടായിരിക്കണമെന്നും പോലീസ് നിര്‍ദേശമുണ്ട്. രാത്രി സമരവേദികളിലേയ്ക്ക് തന്നെ കര്‍ഷകര്‍ മടങ്ങും. ജന്തര്‍ മന്ദറിൽ എത്തുന്ന കര്‍ഷകരുടെ പേരുവിവരങ്ങള്‍ മുൻകൂട്ടി പോലീസിനെ അറിയിക്കണമെന്നും നിബന്ധനയുണ്ട്.

Also Read: പെഗാസസ് ദുരുപയോഗം സംബന്ധിച്ച് വിശ്വസനീയമായ തെളിവ് ലഭിച്ചാല്‍ അന്വേഷിക്കും: നിര്‍മാതാക്കള്‍

സംയുക്ത കിസാൻ മോര്‍ച്ചയുടെ 200 പ്രവര്‍ത്തകര്‍ക്കും കിസാൻ മസ്ദൂര്‍ സംഘിൻ്റെ ആറു പ്രവര്‍ത്തകര്‍ക്കുമാണ് ധര്‍ണയിൽ പങ്കെടുക്കാൻ അനുമതിയുള്ളത്. സമാധാനപരമായ പ്രതിഷേധം മാത്രമേ നടത്തൂ എന്ന് സത്യവാങ്മൂലം നല്‍കണമെന്നും നിര്‍ദേശമുണ്ട്. വിവിധ സമരകേന്ദ്രങ്ങളിലുള്ള കര്‍ഷകര്‍ സിംഘു അതിര്‍ത്തിയിലെത്തിയ ശേഷമായിരിക്കും ജന്തര്‍ മന്ദറിലേയ്ക്ക് പുറപ്പെടുക.

Also Read: ഡാനിഷ് മരിച്ചെന്നറിഞ്ഞിട്ടും തലയിലൂടെ വാഹനം കയറ്റിയിറക്കി; സിദ്ദിഖിയുടെ അന്ത്യ നിമിഷങ്ങള്‍ വിവരിച്ച് അഫ്ഗാൻ കമാൻഡർ

അതേസമയം, ഭരണസിരാകേന്ദ്രത്തോടു ചേര്‍ന്ന് പ്രതിഷേധക്കാര്‍ കൂടുതലായെത്തുന്ന സാഹചര്യത്തിൽ നഗരത്തിൽ കര്‍ശന സുരക്ഷ പ്രഖ്യാപിച്ചിട്ടുണ്ട്. സമരകേന്ദ്രങ്ങളിൽ പോലീസ് കൂടുതൽ സിസിടിവി ക്യാമറകളും സ്ഥാപിച്ചിട്ടുണ്ട്.

കോട്ടയം നഗരഹൃദയത്തിൽ ഒരു ചെറുവനം


Source link

x

Check Also

താലിബാനെതിരെ യുഎസിൻ്റെ വ്യോമാക്രമണം; തീവ്രവാദികൾ കൊല്ലപ്പെട്ടു, വാർത്ത ശരിവച്ച് പെൻ്റഗൺ

ഹൈലൈറ്റ്: താലിബാനെതിരെ വ്യോമാക്രമണം നടത്തിയെന്ന് പെൻ്റഗൺ. സ്ഥിരീകരിച്ച് പെൻ്റഗൺ വക്താവ് ജോൺ കിർബി. കൂടുതൽ വിവരങ്ങൾ വ്യക്തമാക്കാൻ കഴിയില്ലെന്ന് ജോൺ ...